اسلام آباد۔ 02 جنوری (اے پی پی) چیئرمین سینیٹ اسلام آباد اٹی غیرکانودی ہاؤسنگ اسکیم تا بابت باندات ءِ تعلقدار کمیٹی نا دوٹی تس۔ سے شنبے نادے آ سینیٹ نا دیوان اٹی وقفہ سوج آتیٹی سینیٹر فوزیہ ارشد اسلام آباد اٹی غیرکانودی ہاؤسنگ اسکیم تا باندات ءِ ہرفے و پارے کہ دا ہاؤسنگ اسکیم تا سوب آن ہموڑے اُراتفوک آ مخلوق ءِ بھاز زیات ویل آتون مو ن تروئی تمک، سی ڈی اے دابابت سخت گام گیج کے و غیرکانودی ہاؤسنگ اسکیم تا اسُل موکل مف۔ چیئرمین دا باندات ءِ قائمہ کمیٹی آ گدریفسا پارت کرے کہ داڑآ سجفنگے و غیرکانودی ہاؤسنگ اسکیم تا توننگ کن سخت گام گیج کننگے۔
