اسلام آباد۔ 02 جنوری (اے پی پی) نگران بنجائی وزیر جان جوڑی ڈاکٹر ندیم جان پارینے کہ جان جوڑی نا نظام اٹی شفافیت و جدت نا بنداو ءِ تخانن، پاکستان دنیا نا گلوبل سیکورٹی ایجنڈا ءِ لیڈ کننگ اٹی ءِ، ملکی تاریخ اٹ اولیکو وار 10 و11 جنوری آ گلوبل ہیلتھ سیکورٹی سمٹ اس اڈتننگ انگ ءِ۔ سے شنبے نادے آ وزارت جان جوڑی آن جاری بیان نا رداٹ ڈاکٹر ندیم جان پارے کہ تدوک آ سال اٹی ہراتم ای وزارت قومی جان جوڑی نا قلمدان ءِ سنبھالاٹ تو جان جوڑی نا بشخ ءِ کیہی چیلنج ومشکل مون تروک ئس۔ نن جان جوڑی نا بشخ اٹی ہلہلہ ئی بنداو تیا اصلاحات آ ترندی اٹ کاریم نا بناءِ کرین ہراکہ داسہ ہم برجاءِ۔ اوپارے کہ نن جا ن جوڑی نا نظام اٹ شفافیت و جدت نا بنداو ءِ تخانن، پاکستان دنیا نا گلوبل سیکورٹی ایجنڈا ءِ لیڈ کننگ ءِ، ملکی تاریخ اٹ اولیکو وار 10 و11 جنوری آ گلوبل ہیلتھ سیکورٹی سمٹ اڈ ہلنگ ءِ ہراڑآن دنیا نا مون آ ملکی عزت و شرف اٹ ودکی مریک۔ ڈاکٹر ندیم جان پارے کہ جہانی ادارہ جا ن جوڑی نا کمک اٹ 500 بنداوی جان جوڑی ہند آتے چنکو مد اسے ٹی اپ گریڈ کننگ انگ ءِ، سنگت ملک آتیان ٹرانسفر آف ٹیکنالوجی نا رداٹ دوائی تے ہندی کہول آ تیار کننگ کن فارماپارک اس جوڑ کننگ اُن۔
