کوئٹہ۔ 01 جنوری (اے پی پی) چیئرمین اسٹینڈنگ کمیٹی پیٹرولیم و رسورسز و سیاسی و اقتصادی امور نا ماہر سینیٹر محمد عبدالقادر اسہ خصوصی ءُ بیان اسے ٹی پارینے کہ سلطنت کویت 1450 میگاواٹ نالائخی تخوک آ غازی بروتھا ہائیڈرو پاور پروجیکٹ اٹی 30 درسد شیئر ہلنگ نا فیصلہ کرینے، واپڈا حصص نا گدریفنگ اٹ اہم کڑد ادا کیک، شیئرآتا ہلنگ نا کمک اٹ 80 کروڑ 90 لکھ ڈالر دوئی مریک، دامد اٹ دوئی مروک آ زر ءِ دیامیر بھاشا ڈیم انا تفنگ آ خڑچ کننگک، پاکستان سنگت ملک آتا زرکاری ءِ میٹریلایز کننگ کن بھلو گام گیج کے تانکہ پیشن نا زرکارآتا پت بحال مرے، کویت ہرا آفر ءِ تسنے اودے حکومت پاکستان پریکٹیکل کے، پیشن نا زرکاری نا بابت خورک بیان تا جاگہ غا حکومت ءِ سنجیدہ گام گیج کروئی مریک، اوپارے کہ کویت نا سرکاری کویت انوسٹمنٹ اتھارٹی نا ذیلی کمپنی انرٹیک دا پروجیکٹ نا حصص نا دوئی کننگ ن است خواہی ہلک، انرٹیک غازی بروتھا ہائیڈرو پاور پروجیکٹ نا کانودی و تکنیکی امور نا جاچ ءِ ہلیک، پاکستان و کویت 29 نومبرآ ارب آ ڈالر نا چندی مفاہمت نا یات داشت آتیا دستخط کریسر ہرافتے ٹی فوڈ سیکورٹی، کشت وکشار، ہائیڈل پاور، واٹر سپلائی نا ڈٹ اوار ءُ۔ معدنی صنعت نا بابت مائننگ فنڈ اس جوڑ کننگک، درملکی زرکارآتے فول پروف سیکورٹی فراوان کننگ حکومت پاکستان نا اولی زمواری مرے تانکہ درملکی زرکارآک بلاخطر پاکستان اٹ زرکاری آ آمادہ مریر و اوفتازر رکھ مرے، اوپارے کہ ٹیکنالوجی ڈویلپمنٹ زون جوڑ کننگک پاکستان ءِ دیامیر بھاشا ڈیم انا تفنگ کن مسہ ارب ڈالر نا گرج ءِ، دا مالی خلا ءِ پر کننگ آ اسلامی شونداری بینک، سعودی ڈویلپمنٹ فنڈ و ایشیائی شونداری بینک ہچ ءُ است خواہی اس پا ش کتنو، درملکی زرکاری کن حبیب بینک و ای وائی ممکنہ زرکارآتے متوجہ کننگ کن تیار کرینو، کویتی زرکاری پاکستان کن بھا ز اہمیت تخک۔ درملکی زرکارآتے پاکستان اٹ زرکاری آ ہموتم آ اتنگ مریک ہراتم مچ آ ملک انا امن و ایمنی نا حالیت بالعموم سہی مرے، امن و ایمنی کن دہشت گرد آتے چٹفوئی مریک، چیئرمین قائمہ کمیٹی تینا خصوصی بیان اٹی مستی پارے کہ پاکستان وکویت نا نیام اٹ شاندار پراعتماد تعلقداری ءِ، کویت نا پاکستان اٹ چندی بشخ آتیٹی بھاز است خواہی دراصل کویت نا شاہی خاہوت نا پاکستان آ پت اناعکاسی ءِ کیک، پاکستان نا اقتصادی بشخ آتیٹی کویت نا زرکاری پاکستان نا اقتصادی شونداری کن بھازستاکڑزک، سعودی عرب، متحدہ عرب امارات، کویت و قطر انا پاکستان نا چندی بشخ آتیٹی زرکاری آن پاکستان نا پت اٹی نمان گچینی بسنے۔ پاکستان نا جم وڑاٹ ساڑی آ زرگزرانی ٹک آک اومیت افزاءءُ۔ حکومت مچ آ ملک اٹی امن و ون ونڈو پآریشن ءِ گچین و پک کے۔
