راولپنڈی۔ 01 جنوری (اے پی پی) اے این ایف منشیات اسمگلنگ نا برخلاف 10 کارروائی تیٹی 2 ٹن آن زیات منشیات دوئی کرسا زالبول اسے تون اوار مسہ دوبہ دار ءِ دزگیرکرے۔ ترجمان اے این ایف نا رداٹ فیصل آباد ایئرپورٹ آ بحرین آ ہنوک آ مسافر اسے آن 1.5 کلو آئس دوئی کرے۔ جناح ایئرپورٹ نا خڑک کوریئر آفس اٹی دبئی کن بُک کروک آ پارسل آن 100 گرام چرس دوئی کننگا۔ قلعہ عبداللہ نا علاقہ مزئی اڈہ غان 1460 کلو چرس و 215 کلوہیرون دوئی کننگا۔ پشین آن 510 کلوچرس دوئی کننگا۔ چمن نا علاقہ ٹوبہ اچکزئی آن 335.6 کلو چرس دوئی کننگا۔ مورگاہ بارڈر، خیبرآن چار جتا کارروائی تیٹی 68.4 کلو چرس دوئی کننگا۔ پشین نا علاقہ کلی عالم خان آن 180 کلو چرس دوئی کننگا۔ چاغی نا مشی آ علاقہ غان 17 کلو کرسٹل ہیرون دوئی کننگا۔ اسہ پین کارروائی اسے ٹی خیبرنا علاقہ کباڑی مارکیٹ اٹی منشیات جوڑ کروک آ فیکٹری اسے آن 6 کلو ہیرون دوئی کننگا۔ ترنول پھاٹک اسلام آباد نا خڑک گاڈی اسے آن 4.8 کلوچرس دوئی کرسا اَرے زائیفہ چارچناتتون دزگیرکننگا۔ دزگیر دوبہ دار آتا برخلاف منشیات تور ایکٹ نا رداٹ مقدمہ درج کرسا جاست وپاست نا بناءِ کننگانے۔
