اسلام آباد۔ 01 جنوری (اے پی پی) الیکشن کمیشن لس گچین کاری 2024کن قومی و ہرچار آ صوبائی اسمبلی تا جنرل نشست آتیا اومیتدار آتا منظور مروک پندار کاغد آتا سرجم آتے جاری کرینے، کل 22 ہزار 711 اومیتدار آتا پندار کاغد آتے منظور کننگانے۔ جنرل نشست آتیا کل 25 ہزار 951 پندار کاغد آتے جمع کرفنگا۔ الیکشن کمیشن نا کنڈآن جاری سرجم حوال آتا رداٹ قومی اسمبلی نا جنرل نشست آتیا 7 ہزار 473 اومیتدار آتا کنڈآن پندار کاغد آتےجمع کرفنگاسس ہرافتے ٹی 445 زالبول اوار ئسر، دافتیان 1024اومیتدار آتا پندار کاغد آتے ریٹرننگ آفیسر آتا کنڈآن مسترد کننگانے، دافتے ٹی 934 نرینہ و 90 زالبول اومیتدار اوار ءُ ۔ ہندا وڑ 6 ہزار 449 اومیتدار آتا پندار کاغد آتے منظور کننگا۔ ہرچار آ صوبائی اسمبلی تیٹی اومیتدار آتا کنڈآن عمومی نشست آتیا 18 ہزار 478 پندار کاغد آتے جمع کرفنگا ہرافتے ٹی 808 زالبول و 17 ہزار 670 نرینہ اومیتدار اوار ئسر۔ ریٹرننگ آفیسر آتا کنڈآن 2 ہزار 216 پندار کاغد آتے مسترد کننگا دافتے ٹی 2 ہزار 81 نرینہ و 135 زالبول اوار ئسر۔ ہندا وڑ 672 زالبول اومیتدار آتون اوار صوبائی اسمبلی تا 16 ہزار 262 پندار کاغد آتے منظور کننگا۔ اسلام آباد آن قومی اسمبلی نا نشست آتیا 209 اومیتدار آتا کنڈآن پندار کاغد آتے جمع کرفنگا ہرافتیان ریٹرننگ آفیسرآتاکنڈآن 93 پندار کاغد مسترد مس و 116اومیتدار آتا پندار کاغد آتے منظور کننگا۔ پنجاب آن قومی اسمبلی نا نشست آتیا3 ہزار 621 اومیتدار آک پندار کاغد آتے جمع کرفیر ہرافتیان 521 اومیتدار آتا پندار کاغد آتے مسترد کننگا وخت اس کہ 3 ہزار 100 اومیتدار آتا پندار کاغد آتے منظور کننگا۔ سندھ آن قومی اسمبلی نا جنرل نشست آتیکن اسہ ہزار 681 پندار کاغد جمع کرفنگا ہرافتیان 166 مسترد و اسہ ہزار 515 منظور کننگا۔ خیبرپختونخواہ غان قومی اسمبلی نا جنرل نشست آتیا اسہ ہزار 331 اومیتدار آک پندار کاغد آتے جمع کرفیر ہرافتیان 152 مسترد و اسہ ہزار 179 پندار کاغد آتے منظور کننگا۔ ہندا وڑ بلوچستان آن قومی اسمبلی نا نشست آتیا 631 پندار کاغد آتے جمع کرفنگا ہرافتیان 92 مسترد 539 ءِ منظور کننگا۔ کمیشن نا کنڈآن جاری سرجم حوال آتا رداٹ پنجاب اسمبلی نا جنرل نشست آتیا 8 ہزار 935 اومیتدار آتا کنڈآن پندار کاغد آتے جمع کرفنگا ہرافتیان ریٹرننگ آفیسر آتا کنڈآن 943 مسترد و 7 ہزار 992پندار کاغد آتے منظور کننگا۔ سندھ اسمبلی نا جنرل نشست آتیا 4 ہزار 294 پندار کاغد آتے جمع کرفنگا ہرافتیان 520 مسترد و 3 ہزار 774 پندار کاغد آتے منظور کننگا۔ بلوچستان اسمبلی نا جنرل نشست آتیا اسہ ہزار 788 اومیتدار آتا کنڈآن پندار کاغد آتے جمع کرفنگا ہرافتیان 386 مسترد و اسہ ہزار 402 پندار کاغد آتے منظور کننگا۔ ریٹرننگ آفیسر آتا کنڈآن پندار کاغد آتے منظور یا مسترد کننگ نا برخلاف اپیل آتا سماعت 3 جنوری آن مریک ہرا 10 جنوری اسکان برجاسلک۔ اومیتدار آتا نظرثانی مروک لڑ ءِ 11 جنوری وخت اس کہ پندار کاغد آتے 12 جنوری آ پدی ہلنگ مریک ۔ 13 جنوری آ اومیتدار آتے گچین کاری نشان تننگک۔ زالبول و اقلیت آتا مخصوص نشست آتیا اومیتدار آتا کنڈآن جمع کرفوک آ پندار کاغد آتا جانچ پڑتال 13 جنوری آمریک۔ ریٹرننگ آفیسر آتا کنڈآن پندار کاغد آتے منظور یا مسترد کننگ نا برخلاف اپیل آتے 16 جنوری اسکان وخت اس کہ ایپلٹ ٹریبونل نا کنڈآن اوفتیا فیصلہ 19 جنوری اسکان مریک۔ اومیتدار آتا کنڈآن پندار کاغد آتے 22 جنوری آ پدی ہلنگ مریک وخت اس کہ اومیتدار آتا گڈیکو فہرست ءِ 23 جنوری آ آویزاں کننگک۔
