اسلام آباد۔ 01 جنوری (اے پی پی) نگران وزیراعظم انوارالحق کاکڑ پارت کرینے کہ کھد انا کوڑی کننگ و ناروا منافع خوری ٹی اوار زموار آتا برخلاف کانودی کارروائی کننگے، کھد انا کوڑی کننگ آن بزغرآتا استحصال کروک آتے بشخپنہ، یوریاکھد انا طلب ورسد نا سخت چاروکی ءِ کننگے۔ دوشنبے نادے آ وزیراعظم آفس نا میڈیا ونگ آن جاری پریس ریلیز نا رداٹ نگران وزیراعظم انوارالحق کاکڑ نا کماشی ٹی ملک اٹی یوریاکھد انا دستیابی نا بابت اہم ءُ دیوان ا س اڈہلک۔ دیوان نا بشخ ہلوک آتون گپ وتران کرسا نگران وزیراعظم پارے کہ مچ آملک اٹی یوریاکھد گرج انا رداٹ اَرے۔ اوپارت کرے کہ کھد انا کوڑی کننگ و ناروا منافع خوری ٹی اوار زموار آتا برخلاف کاندی کارروائی کننگے، کھد انا کوڑی کننگ آن بزغرآتا استحصال کروک آتے بشخپنہ۔ وزیراعظم پارت کرے کہ مچ آملک اٹی یوریاکھد انابزغرآتسکان فراوانی ءِ آسان و سہل کننگے، یوریاکھد انا طلب و رسد نا سخت چاروکی ءِ کننگے۔ وزیراعظم پارت کرے کہ تعلقدار بنجائی وزارت آک صوبائی حکومت آتے یوریاکھد انا پیدوار و رسد نا حساب وکتاب فراوان کرسا کھد انا کوڑی کننگ ءِ توننگ کن کارروائی تیٹی کمکاری ءِ پک کیر۔ دیوان ءِ معلومدار کننگا کہ بفرسٹاک کن 2 لکھ میٹرک ٹن یوریا درآمد کننگ انگ ءِ۔ دیوان اٹی نگران بنجائی وزیر خزانہ ڈاکٹر شمشاد اختر، نگران بنجائی وزیر توانائی محمد علی، نگران بنجائی وزیر قومی غذائی رکھ کوثر عبداللہ ملک، نگران بنجائی وزیر واپار گوہر اعجاز، نگران صوبائی وزیر اعلاک و تعلقدارسرکاری آفیسر آک بشخ ہلکر۔
