اسلام آباد۔ 29 دسمبر (اےپی پی) بنجائی وزیر رکھ خور کوثر عبداللہ ملک پارینے کہ بزغر آتا ملکی شونداری ٹی اہم ءُ کڑد اسے، بزغرآتے مون تروک ویل آتا پورو درک ءِ، حکومت بزغرآتا راجی آسودہی کن پبی گام گیج کننگ اٹی ءِ، کوڑی کروک آ تابرخلاف کارروائی ٹی پاک فوج انا کمک دوئی ءِ۔ داخیال آتا درشانی ءِ او جمعہ نادے آ قومی کسان کنونشن آن تران کرسا کرے۔ کوثر عبداللہ ملک پارے کہ بروک آ منہ دے اٹی کھد انا ویل ایسر مریک، لائیو اسٹاک نا کاروبار ملکی شونداری ٹی اہم کڑد ادا کننگ کیک، درآمد و برآمد نا چٹفنگ کن بزغرآک کڑد ادا کیر۔ داوخت آ قومی بزغرکنونشن اٹی ملک انا طول و رض آن بھلو کچ اسے ٹی بزغرآک بشخ ہلکر۔ کسان کنونشن اٹی بزغرآتے کشت وکشار نا بابت خصوصی دستاویزی فلم اس نشان تننگا ہراٹی رکھ خور انا بابت حکومت و پاک فوج انا کڑد ءِ تالان کننگا۔ بزغرکنونشن آن بزغرآتا چیف کوآرڈی نیٹر کرنل (ر) ہاشم ڈوگر ہم تران کرے و پارے کہ قومی کسان کنونشن نا اڈتننگ ستاکڑزک، داڑآن ملکی کشت وکشار نا شونداری نا بابت حکومت نا عزم پاش مریک۔ اوپارے کہ بزغرآتے کھد انا فراوانی نا بابت ویل مون تروک ءِ ولے حکومت نا کنڈآن ویل آتا ایسری نا باوری کرفنگ نا سوب آن بزغرآک است جمی نا درشانیءِ کننگ ءُ۔
