کراچی۔ 29 دسمبر (اے پی پی) صوبہ سندھ انا پنی آ شخصیت جام قائم و جام کرم مسلم لیگ (ن) اٹی اوار مننگ نا پڑوکرینو۔ جمعہ نادے آ پارٹی نا ترجمان مریم اورنگزیب نا رداٹ ہڑتوم آ ک مسکوہی وزیراعظم شہباز شریف تون اوڑدہی ٹی پارٹی ٹی اوار مننگ نا پڑو ءِ کریر۔ شہباز شریف جام قائم و جام کرم ءِ مسلم لیگ (ن) اٹی اوار مننگ آ مبارکبادی تس و پارے کہ نما فیصلہ نا ستاءِ کیوہ۔ پارٹی ٹی نما اوار مننگ آن صوبہ سندھ و مچ آ پاکستان اٹ شونداری نا سفر ءِ ترند کننگ اٹ کمک رسینگک۔ شہباز شریف پارے کہ شونداری نا سفر مچ آ ملک اٹی اسہ وڑاٹ مون آ دینہ۔ داوخت آ مسلم لیگ (ن) سندھ انا صدر بشیر میمن، مرکزی راہشون سردار ایاز صادق، مریم اورنگزیب ، رانا مشہود و کھیل داس کوہستانی ئسک ہم ساڑی ئسر۔
