راولپنڈی۔ 29 دسمبر (اے پی پی) منشیات تور فورس منشیات اسمگلنگ نا برخلاف برجاکریک ڈاؤن اٹی 7 کارروائی تیٹی 209 کلوگرام منشیات دوئی کرسا 7 دوبہ دار ءِ دزگیرکرے۔ اے این ایف ترجمان نا رداٹ راولپنڈی ٹی واقع کوریئر آفس اٹی دبئی کن بُک کروک آ پارسل آن 1.760 کلو آئس دوئی کننگا۔ اسلام آباد ایئرپورٹ آن دوحہ غا ہنوک آ مسافرآن 1.2 کلوچرس دوئی کننگا۔ علامہ اقبال انٹرنیشنل ایئرپورٹ آن شارجہ کن روانہ مروک آ مسافر اسے نا گڑاتیان 115 گرام آئس دوئی کننگا۔ پشین نا علاقہ بوستان آن 121 کلوہیرون و 75 کلومارفین دوئی کننگا۔ پشاور اٹی اِرا دوبہ دار آن جم وڑاٹ 4 کلو چرس دوئی کننگا۔ کسٹم چوک پشاور آ دوبہ دار آتیان 4 کلو چرس دوئی کننگا۔ بورڈ بازار پشاور نا خڑک دوبہ دار آن 2 کلو چرس دوئی کننگا۔ ترجمان پارے کہ دزگیر دوبہ دارآتا برخلاف منشیات تور ایکٹ انار داٹ مقدمہ نوشتہ کرسا جاست وپاست نا بناءِ کننگانے۔
