اسلام آباد۔ 29 دسمبر (اے پی پی) پاکستان سول ایوی ایشن اتھارٹی نا کنڈآن نواب شاہ بالی پٹ آ ہلہلہ ئی مشق اس اڈتننگا۔ فائر پٹ اٹی جیٹ فیول اس ہشسا فرضی ہوائی جہاز شکست اٹی لگوک آ خاخر ءِ کسفنگ و کمکی کارروائی تا مشق آتے کننگا۔ پاکستان سول ایوی ایشن اتھارٹی نا ترجمان نا رداٹ مشق انا مسخت ہلہلہ ئی حالیت اٹی غٹ اسٹیک ہولڈر آتا تیاری نا کچ ءِ ہُننگ ئس۔ سول ایوی ایشن ریسکیو اینڈ فائر فائٹنگ سروسز، پی اے ایف فائر بریگیڈ ، سٹی فائر بریگیڈ ئسک ہم مشق اٹی بشخ ہلکر۔ اوپارے کہ مشق اٹی ریسکیو 1122، ایدھی ٹرسٹ، این ایم سی، سول ڈیفنس، سٹی ٹریفک پولیس و نجیب میڈیکل سینٹر نواب شاہ نا پیرامیڈیکس ہم بشخ ہلکر۔ فائر پٹ اٹی جیٹ فیول ہشسا فرضی ہوائی جہاز شکست اٹی لگوک آ خاخر ءِ کسفنگ و کمکی کارروائی کننگا۔ ٹھپی تے بنائی طبی امداد تننگا و ولدا ہسپتال آ گدریفنگا، مشق شرہ و تنقیدی سیشن اتون ایسر مس ہراٹی غٹ اسٹیک ہولڈر آک بشخ ہلکر۔ ڈپٹی کمشنر نواب شاہ و ایس ایس پی نواب شاہ دود انا مہمان خاص ئسر۔
