اسلام آباد۔ 28 دسمبر (اے پی پی) نگران وزیراعظم انوارالحق کاکڑ مسکوہی سیکرٹری خارجہ ریاض کھوکھر نا کزیت آ ہڑزخواہی کن اونا اُراغا ہنا ہراڑے او ایماندار نا خاہوت تون ہمدردی و ہڑزخواہی نا درشانی ءِ کرے۔ وزیراعظم آفس نا میڈیا ونگ انا کنڈآن جاری بیان نا رداٹ وزیراعظم ایماندار ریاض کھوکھر نا درجہ غاتا بڑزی کن دعاکرے۔ وزیراعظم ریاض کھوکھر نا خذمت آتے خراج عقیدت پیش کرسا پارے کہ او وزارت خارجہ نا باصلاحیت و جوان ءُ آفیسر اس ئسک، او جہانی کہول آ پاکستان نا خارجہ پالیسی و موقف ءِ جوان وڑاٹ تالان کرے، حکومت پاکستان کن اونا خذمت آتے مدام یات تخنگک۔ نگران وزیرخارجہ جلیل عباس جیلانی ہم وزیراعظم تون اوار ئس۔
