ملک اٹی برجا گوتلو نا سوب آن پی آئی اے نا لاہور، ملتان و سیالکوٹ آن فضائی آپریشن زہمی مس، ترجمان پی آئی اے

اسلام آباد۔ 28 دسمبر (اے پی پی) پاکستان انٹرنیشنل ایئرلائن (پی آئی اے ) نا ترجمان پارینے کہ ملک اٹی برجا گوتلو نا سوب آن پی آئی اے نا لاہور، ملتان و سیالکوٹ آن فضائی آپریشن زہمی مسنے۔ مسافر بالی پٹ روانگی آن مست تینا جہاز انا بارواٹی معلومداری پی آئی اے کال سینٹر آن ضرور ہلیر۔ ترجمان جاری اعلامیہ و آفیشل ٹویٹر آ مسافر آتیان دا زحمت آ پیشگی معذرت ہم کرینے۔ ترجمان پی آئی اے پارے کہ حد نگاہ کم مننگ آ فضائی آپریشن اٹی دشواری مون تروک ءِ، ہرانا سوب آن لاہور، ملتان و سیالکوٹ آن جہاز آتا شیڈول زہمی    ءِ۔ ترجمان پارے کہ فضائی آپریشن زہمی مننگ آن مسافر آتے ہم فریشانی مون تروک ءِ ہندا سوب آن مسافر آتیان خواست ءِ کہ او بالی پٹ آ روانگی آن مست پی آئی اے کال سینٹر آن تینا فلائٹ نا معلومداری ءِ ضرور ہلیر۔