لاہور۔ 28 دسمبر (اے پی پی) سیکرٹری الیکشن سیل جماعت اسلامی فرید پراچہ پارینے کہ جماعت اسلامی نا 222 اومیتدار قومی اسمبلی نا نشست آتیا گچین کاری تیٹی بشخ ہلنگ ءُ۔ داخیال آتا درشانی ءِ او پنچ شنبے نادے آ لاہور اٹی اڈ ہلوک دیوان اٹی کرے۔ اوپارے کہ ہر چار آ صوبہ غاتیان 518 اومیتدار صوبائی اسمبلی تا گچین کاری تیٹی بشخ ہلنگ ءُ۔ لاہور نا قومی اسمبلی نا 14 وخت اس کہ صوبائی اسمبلی نا 30 حلقہ غاتیان اومیتدار گچین کاری تیٹی بشخ ہلنگ ءُ۔ فرید پراچہ پارے کہ جماعت اسلامی غٹ آن مست منشور پیش کرے ہرانا رداٹ ملک اٹی مفت تعلیم و درمان نا نظام اس جوڑ کیک۔ اوپارے کہ جماعت اسلامی نا حکومت اٹی جی ایس ٹی 5 درسد آن زیات مفک، بزغرآتے بے سود کشاری وام ایتک، کھد، بِج ، کشاری دوائی تیا رعایت آ فراوان کینہ، بجلی نا نہاد آتیٹی کمتی کینہ۔ دیوان اٹی ذکراللہ مجاہد، عامر نثار، عمران ظہور غازی، حافظ سیف الرحمان، فرحان ہنجرا، ایاز عمر و ظفرنکیانہ ئسک بشخ ہلکر۔
