اسلام آباد۔ 28 دسمبر (اے پی پی) پاکستان اٹ درملکی زرکاری آن دوئی فائدہ نا پیشن نا ملک آ گدریفنگ اٹ برجامالی سال انا اولیکو پنچ تُو اٹی سالانہ بنداوتیا نمان ودکی ریکارڈ کننگانے۔ اسٹیٹ بینک انا کنڈآن جاری کروک حساب وکتاب نا رداٹ جولائی آن نومبر 2003اسکان نا مد اٹی درملکی زرکاری آن دوئی فائدہ نا مد اٹی 532.2 ملین ڈالر نا پیشن نا ملک گدریفنگ  ریکارڈ کننگا ہرا تدوک آ مالی سال انا ہندا مد انا مقابلہ ٹی 312 درسد زیات ءُ۔ تدوک آ مالی سال انا ہندا مد اٹی درملکی زرکاری آن دوئی فائدہ نا مد اٹی 129 ملین ڈالر نا پیشن نا ملک گدریفنگ ریکارڈ کننگاسس۔ نومبر اٹی درملکی زرکاری آن دوئی فائدہ نا پیشن نا ملک گدریفنگ نا کچ 46.8 ملین ڈالر ریکارڈ کننگا ہرا تدوک آ سال نومبر نا مقابلہ ٹی 19 درسد کم ءُ۔ تدوک آ سال نومبر اٹی درملکی زرکاری آن دوئی فائدہ نا پیشن نا ملک گدریفنگ نا مد اٹی 57.8 ملین ڈالر نا پیشن نا ملک گدریفنگ ریکارڈ کننگاسس۔ اکتوبر نا مقابلہ ٹی نومبر اٹی درملکی زرکاری آن دوئی فائدہ نا پیشن نا ملک  گدریفنگ نا مد اٹی ماہانہ بنداوتیا 83 درسد نا کمتی مس۔ اکتوبر اٹی درملکی زرکاری آن دوئی فائدہ نا پیشن نا ملک گدریفنگ نا مد اٹی 272.5 ملین ڈالر نا گدریفنگ ریکارڈ کننگا ہرانومبر اٹی کم مرسا 46.8 ملین ڈالر مس۔

متعلقہ مضامینمصنف کی طرف سے مزید