خضدار، جھالاوان آن گچین کاری تیٹی چار ایلم اسہ ایلو نا مون پہ مون ، گچین کاری تیٹی بشخ ہلنگ کن تیار

خضدار۔ 28 دسمبر (اے پی پی) جھالاوان آن گچین کاری تیٹی چار ایلم اسہ ایلو نا مدمقابل گچین کاری تیٹی بشخ ہلنگ کن تیار، خضدار جھالاوان آں تعلق تخوک آ چار ایلم اولیکو وار گچین کاری تیٹی اسہ ایلو نا مون پہ مون مریرہ۔ پی بی 18 خضدار ون نا اسہ نشست اسے آ مسہ ایلم پندار کاغد جمع کرفینو۔ این اے 256 این اے 261 وپی بی 35 ہر چار آ ایلم اسہ ایلونا برخلاف گچین کاری تیٹی بشخ ہلیرہ، پی بی 18 خضدار ون آ گچین کاری نا دلچسپ حالیت اس اختیار کرینے ہراڑے مسہ ایلم پندار کاغد جمع کرفینو۔ نواب ثناء اللہ خان زہری پیپلزپارٹی، نوابزادہ میر اسراراللہ خان زہری بی این پی عوامی و مسٹ میکو ایلم نوابزادہ میر ظفراللہ خان زہری پندار کاغد آتے جمع کرفینو۔ ہندا وڑ این اے 256 خضدار و این اے 261 قلات مستونگ و سوراب آن ہم نواب ثناء اللہ خان زہری نوابزادہ میر اسراراللہ خان زہری اسہ ایلو نا مدمقابل گچین کاری تیٹی بشخ ہلنگ ءُ۔ وخت ا س کہ پی بی 35 آن نوابزادہ میر نعمت اللہ خان زہری و نوابزادہ میر ظفراللہ خان زہری اسہ ایلو نا مدمقابل ءُ۔