اسلام آباد۔ 27 دسمبر (اے پی پی) اسپیکر قومی اسمبلی راجہ پرویز اشرف مسکوہی بنجائی وزیر جاوید ابراہیم پراچہ نا کزیت آ ڈکھیائی و است ہسونی نا درشانی ءِ کرینے۔ اسپیکر میڈیا ونگ آن جاری بیان نا رداٹ ایماندارنا خاہوت ناپن تینا ہڑزخواہی کلہو اٹی راجہ پرویز اشرف جاوید ابراہیم پراچہ نا سیاسی و راجی خذمت آتے خراج عقیدت پیش کرسا اونا کزیت ءِ خاہوت کن بھلو صدمہ و بے بدل ءُ نسخان اس گوندا۔ اوپارے کہ جاوید ابراہیم پراچہ نا کزیت آ ن ودی مروک آ خلاء تادیر پُرمننگ کپک۔ راجہ پرویز اشرف اللہ تعالیٰ آن ایماندار نا درجہ غاتا بڑزی و پدسلوک آ خاہوت ءِ دا بے بدل نسخان ءِ سگنگ کن صبر وجمیل عطاکننگ نا دعاکرے۔
