اسلام آباد۔ 27 دسمبر (اے پی پی) نگران بنجائی زیر مذہبی امور انیق احمد حاجی کیمپ کراچی ٹی حاجی تا آسراتی کن المی گام گیج آتا جاچ ءِ ہلک۔ چارشنبے نادے آ وزارت مذہبی امور نا کنڈآن جاری بیان نا رداٹ داوخت آ گپ وتران کرسا نگران بنجائی وزیر پارے کہ حاجی تا آسراتی و آسانی کن غٹ المی گام گیج کننگ انگ ءِ، 50سال آن پد حاجی کیمپ اٹی رنگ و روغن نا کاریم کننگ انگ ءِ، زیب وزینت نا کاریم ءِ زوت پورو کننگک ۔ اوپارت کرے کہ حج ءِ پین آسان کننگے، سپانسر شپ حج اسکیم نا کمک اٹ سمندر پار پاکستانی تے نئے بیرہ کم خڑچ آ آب اٹ آسراتی دوبریک بلکن ڈالر زاٹی زرتس آن ریاست ءِ ہم فائدہ مریک۔ اوپارے کہ ریگولر حج اسکیم اٹی 70 ہزار آن زیات درخواست دوئی مسنے، پنچ شنبے نادے آ حج قرعہ اندازی کننگک۔
