اسلام آباد۔27دسمبر (اے پی پی): بنجاھی پٹ ءُ پولی ادارگ ایف آئی اے ءَ گیر کانودی رد ءَ راجی شناسی کاٹ ءِ جوڑ کنگ ءِ کار ءَ گوں دست مانجنیں 4 نادرا ءِ اپسرگ آناں دزگیر کتگ۔ اے ملزم نادرا میگا سینٹر اسلام آباد ءَ بطور ڈپٹی اسسٹنٹ ڈائریکٹر ءُ سینئر ایگزیکٹو پوسٹ بوتگ۔ ترجمان ایف آئی اے ءِ رد ءَ راجی شناختی کارڈ ءِ گیر کانودی جاڑی کنگ ءِ کیس ءَ ٹوھیں دیمروئی ءِ بوتگ۔ ڈپٹی ڈائریکٹر اینٹی کرپشن سرکل اسلام آباد افضل خان نیازی ءِ پنت ءُ شون ءِ رد ءَ کاروائی کنان ءَ ایف آئی اے ٹیمب ءَ دروگیں شناسی کاٹ جوڑ کنگ ءَ گوں دست مانجنیں 4 باسکی گینگ ءِ دزگیر کتگ۔ دزگیر ملزم آنی تہ ءَ محمد طاہر ، عدنان عمار، محمد عامر خان ءُ محمد طیب ھوار اَنت۔ اے ملزم نادرا ءِ میگا سینٹر اسلامآباد ءَ جتا جتائیں اگدہ آنی سر ءَ پوسٹ بوتگ انت۔ ملزم آناں دزگیر کنان ءَ تپشیش ءِ بنگیج کنگ بوتگ گمان کنگ بوھگ ءَ انت کہ تپشیش ءِ ساھت ءَ گیش ھال سہرا بہ بیت۔
