اسلام آباد۔27دسمبر (اے پی پی):صدر ڈاکٹر عارف علوی ءَ بنجاھی محتسب ءِ نیمگ ءَ ایچ ای سی ءَ را ڈگری تسدیک ءِ حکم آناں برجا داران ءَ نودربر آناں ڈگری ءِ تسیدک نہ کنگ ءِ ھوالگ ءَ نہ وشی ءِ درشان کتگ۔ صدر مملکت ءَ پنت ءُ شون دات کہ 7 روچ ءِ اندر ءَ نودربر آنی وھد ءِ زیان کنگ ءِ زمہ وار آنی ھلاپ ءَ انکوائری بندات کنگ بہ بیت۔ سویرا آفریدی (شکاست کنوک) ءَ وتی بے اے ءُ ڈی ایم سی ءِ ءِ ڈگری ءِ تسدیک ءِ واستہ ایچ ای سی ءِ دزبندی داتگ بوتگ بلے آئیءَ گوشتگ کہ چوش کہ ڈگری ءِ سیشن 2020 انت۔ ھمے ھاترا ایشی ءِ تسدیک بوت نہ کنت چیا کہ ایچ ل ای سی ءَ دو سالی روایتی کار رپک ءَ را ھلاس کتگ۔ وانگی سال 2019 ءَ چہ پد نوردربر آناں بی اے ءُ بی ایس ءَ داخلہ زورگ ءِ موہ نہ بوتگ۔ ایشی ءِ ھوالگ ءَ شکاست کنوک ءَ بنجاھی محتسب ءَ گوں نزیکی کتگ گڈا آئی ءَ ایشی ءِ ھک ءَ حکم جاڑی کتگ۔ ایشی ءَ چہ پد ایچ ای سی ءَ بنجاھی محتسب ءَ دوارگ چار ءُ تپاسی کنگ ءِ دزبندی جم کنگ بوت بلے ایشرا رد کنگ بوت۔ ایشی ءَ چہ پد ایچ ای سی ءَ صدر مملکت ءِ کرا محتسب ءِ حکم آنی ھلاپ ءَ دزبندی جم کتگ بوتگ۔ صدر مملکت ءَ کیس ءَ را زاتی رد ءَ گوشداتگ ءُ ایچ ای سی ءِ نماھندگی ءَ را رد کتگ۔
