اسلام آباد۔ 26 دسمبر (اے پی پی) نگران بنجائی وزیر حوالکاری، شینکاری و پارلیمانی امور مرتضیٰ سولنگی مسکوہی سیکرٹری خارجہ ریاض کھوکھر نا کزیت آ ڈکھیائی و است ہسونی نا درشانی ءِ کرینے۔ سے شنبے نادے آ تینا ہڑزخواہی بیان اٹی بنجائی وزیر حوالکاری مسکوہی سیکرٹری خارجہ نا سفارتی خذمت آتیا اودے خراج عقیدت پیش کرے و ایماندار نا خاہوت تون ہڑزخواہی و ہمدردی نا درشانی ءِ کرے۔ اوپارے کہ ریاض کھوکھر نا کزیت نا بنگٹ بھاز است ہسونی مس ، ریاض کھوکھر دنیا نا اہم انگا دارالحکومت ہرافتے ٹی واشنگٹن، بیجنگ و دہلی اوار ءُ، ٹی پاکستان ناپبی نمائندگی ءِ کرے۔ اوریٹائرمنٹ آن پد ہم آخیریکو دے اسکان پاکستانی ریاست ءِ اہم آ مشورہ غاتے تس و علمی خذمت آتے برجاتخا۔ اوپارے کہ ایماندار نا ملک اکن سفارتی خذمت آتے مدام یات تخنگک۔ نگران بنجائی وزیر حوالکاری دعاکرے کہ اللہ تعالیٰ ریاض کھوکھر ایماندار ءِ جنت اٹ بڑزکو ہند اس و خاہوت ءِ صبر وجمیل عطاکے۔
