ہرنائی۔ 26 دسمبر (اے پی پی) مسلم لیگ ن نا حلقہ این اے 253 آن پندار اومیتدار مسکوہی بنجائی وزیر میر دوستین ڈومکی، مسلم لیگ ن نا حلقہ پی بی 7 زیارت کم ہرنائی آن پندار اومیتدار مسکوہی سینئر صوبائی وزیر حاجی نور خان دمڑ پارینے کہ سرسہب مرسا ضلع ہرنائی نا غٹ اہم و بنداوی ویل آتے ایسر کننگ و ورناتے روزگار نا فراوانی قومی شاہراہ تا تفنگ، جان جوڑی تعلیم، کنوئی ءُ ساف دیر، پارم ٹومارکیٹ سڑک آتا تفنگ تون اوار ضلع ہرنائی نا الس تون مستین اٹ مروک آ غٹ ناانصافی تا ازالہ ءِ کینہ۔ داخیال آتا درشانی ءِ او گچین کاری مہم نا چرجوئی ٹی محلہ غریب آباد آن سد آ بندغ آتا میر مراد بلوچ نا کماشی ٹی مسلم لیگ(ن) اٹی شمولیت نا پڑو ءِ کننگ نا وخت آ شمولیتی مچی آن تران کرساکرے۔ مچی آن میر مراد بلوچ، چیف آف عبدلانی ملک اسرارالحق عبدلانی ترین، عبدالناصر ترین ایڈووکیٹ و ایلوفک ہم تران کریر۔
