اسلام آباد۔ 26 دسمبر (اے پی پی) نگران بنجائی وزیر جان جوڑی ڈاکٹر ندیم جان پارینے کہ گلوبل ہیلتھ سیکورٹی سمٹ نا اڈتننگ نا تیاریک برجاءُ، ہراٹی مچ آ دنیا غان جان جوڑی نا چاہندار آک بشخ ہلیرہ، سروکی دیوان نا بنداوی مسخت اقوام عالم ءِ ناجوڑی تیان رکھ کننگ ءِ۔ اوجاری ویڈیو کلہو اٹی پارے کہ دیوان اٹی دینی مرض آتون مون تننگ کن اسہ مربوط حکمت عملی اس جوڑ کننگک و داہم طے کننگک کہ ہروڑنا ہلہلہ ئی حالیت آتا رداٹ مالی امداد و ویکسین نا بریبر فراوانی ءِ امر ممکن کننگ مریک۔ اوپارے کہ گلوبل ہیلتھ سیکورٹی سمٹ جان جوڑی نا رکھ نابابت دنیا نا وژن و سمت انا تعین ءِ کیک۔ سمٹ اٹی مچ آ دنیا غان جان جوڑی چاہندار آک آخبت نا خطرہ غاتون مون تننگ کن روڈ میپ اس جوڑ کیرہ۔
