کراچی۔ 26 دسمبر (اے پی پی) صدر مملکت ڈاکٹر عارف علوی دنیا ٹی سرسہبی کن خودکفالت ءِ المی گوندسا دا پت انا درشانی ءِ کرے کہ پاکستان شون ہلیک انتئے کہ پاکستان اٹ باصلاحیت افرادی قوت نا ہچ ءُ کمتی اس اف۔ داخیال آتا درشانی ءِ او سے شنبے نادے آداڑے بحریہ آڈیٹوریم اٹی پاکستان نیوی انجینئرنگ کالج (پی این ای سی ) نا 35 می کانووکیشن آن بحیثیت مہمان خاص تران کرساکرے۔ داوخت آ ریکٹر نیشنل یونیورسٹی آف سائنس اینڈ ٹیکنالوجی (نسٹ) لیفٹیننٹ جنرل (ر) محمود و کمانڈرکراچی ریئر ایڈمرل محمد سلیم ہم ساڑی ئسر۔ کانووکیشن اٹی درملکی طالب علم آتون اوار جم وڑاٹ 368 گریجویٹ آتے بیچلرو پوسٹ گریجویٹ نا ڈگری تننگا۔ صدر مملکت طالب علم آتے اوفتا شاندار کارکڑد آ 39 میڈل ہم تس۔ کانووکیشن آن تران کرسا صدر ڈاکٹر عارف علوی پاکستان نا شونداری کروک صنعت ءِ آب اٹ انجینئر فراوان کننگ و تعلیم نا بڑزکو آب ءِ برقرارتخنگ کن پی این ای سی نا کوشست آتا ستاءِ کرے۔ اوداہیت آ زور شاغا کہ مصنوعی ذہانت و روبوٹکس کون آ مون آ بروک ٹیکنالوجی تا رداٹ پی این ای سی نا زمواری پین ودانے۔ اودااومیت نا درشانیءِ کرے کہ نسٹ پی این ای سی ملک انا ساڑی انجینئرنگ نا گرج آتے پورو کرسا انجینئرنگ و ٹیکنالوجی نا غٹ آن بھلا ادارہ مننگ نا اعزاز ءِ برقرار تخک۔
