اسلام آباد۔ 26 دسمبر (اے پی پی) نگران وزیراعظم انوارالحق کاکڑ پارینے کہ پاکستان چین اتون تینا ایلمی تعلقداری تے پوسکن آ بڑزی تیا دننگ کن سنبرینگوک ءِ۔ داخیال آتا درشانی ءِ او چین اٹی پاکستان نا پوسکن آ سفیر خلیل ہاشمی تون گپ وتران کرسا کرے ہرا سے شنبے نادے آ داڑے اوڑتون اوڑدہی کرے۔ وزیراعظم آفس نا میڈیا ونگ انا کنڈآن جاری بیان نا رداٹ وزیراعظم پوسکن آ زمواری ملنگ آ خلیل ہاشمی کن نیک است خواہی نا درشانیءِ کرے۔ چین اکن تعینات مروک آ پوسکن آ سفیر خلیل ہاشمی پاک۔چین تعلقداری نا بابت وزیراعظم آن راہشونی ہلک۔ نگران وزیراعظم دااومیت نا درشانی ءِ کرے کہ خلیل ہاشمی چین وپاکستان نا تعلقداری تے پین سوگو کننگ کن تینا فعال کڑد ءِ ادا کیک۔
