اسلام آباد۔ 26 دسمبر (اے پی پی) موٹروے ایم ون گوتلو نا شدت اٹی کمتی آن پد پشاور آن اسلام آباد اسکان ہروڑنا ٹریفک کن ملنگانے وخت اس کہ ایم ٹو موٹروے لیلہ آن کوٹ مومن اسکان داسکان ہروڑنا ٹریفک کن بند ءِ۔ ترجمان موٹروے پولیس پارے کہ موٹروے ءِ بند کننگ نا مسخت شکست آتیان بچنگ و موٹروے ء کاریم اٹ اتوک آتا جان و مال انا رکھ ءِ۔ شاری تیان خواست ءِ کہ گوتلو نا وخت آتیٹی سٹی سفر کپس۔ تینا سفر ءِ دے انا روشنائی ٹی کرسا گوتلو آن مست تینا مزل مقصود اسکان سرمریر۔ ترجمان موٹروے پولیس پارے کہ گاڈی تیٹی فوگ لائٹ آتے کاریم اٹ اتیر، ترند رفتاری آن پاناد کیر و مون نا گاڈی آن جوان ءءُ فاصلہ اس تخر۔ سفر نا بناءِ کننگ آن مست موٹروے پولیس ہیلپ لائن 130 آن معلومداری دوئی کننگ مریک۔ داکان بیدس نیشنل ہائی ویز اینڈ موٹروے پولیس نا آفیشل سوشل میڈیااکاؤنٹ آن ہم تازہ معلومداری دوئی کننگ مریک۔
