
اسلام آباد۔ 26 دسمبر (اے پی پی) نگران بنجائی وزیر پارلیمانی امور مرتضیٰ سولنگی پارینے کہ سینیٹ بلوچستان تون اوار سرکاری ملازم آتا تنخواہ و الاؤنس آتیکن انت کہ سفارش اس کیک اوڑآ عمل کینہ، بھٹوں ٹی زگ زیگ ٹیکنالوجی نا کاریم اٹ اتنگ آن مضر صحت اثرکم مریک، نگران حکومت اٹی اسہ باسک اسے تون ہم بلٹ پروف گاڈی اف۔ سے شنبے نادے آ سینیٹ نا دیوان اٹی بنجائی وزیر پارلیمانی امور مرتضیٰ سولنگی بہرہ مند خان تنگی و دنیش کمار نا سوج انا ورندی ٹی پارے کہ بیورو کریسی نا تنخواہ و الاؤنس آتا ساڑی حالیت 17 اگست 2023آن پد آن اف، دا بھاز مہالو آن ءُ۔ اوپارے کہ سینیٹ بلوچستان تون اوار سرکاری ملازم آتا تنخواہ و الاؤنس آتیکن انت کہ سفارش اس کیک اوڑآ عمل کینہ، ہراوڑاٹ سسٹم چلینگ انگ ءِ، اگہ اوٹی بدلی اس کروئی ءِ تو دا بارواٹی سینیٹ باسک آتیان جوان کس اس تپک۔ سینیٹر فوزیہ ارشد ، محسن عزیز و دنیش کمار نا سوج آتا ورندی ٹی اوپارے کہ اسلام آباد نا خلقی علاقہ غاتیٹی خشت آتا بھٹہ غاتا بندش و سموگ نا چٹفنگ نابابابت سینیٹ نا باسک آتا سلاہ تا ستاءِ کینہ، پوسکن آ ٹیکنالوجی کبین ءِ ولے اوڑآن فائدہ ہرفنگ مریک۔ بھٹہ غاتیٹی زگ زیگ ٹیکنالوجی نا کاریم اٹ اتنگ آن مضر صحت اثرات کم مریک۔ سینیٹر محسن عزیز و سینیٹر عرفان الحق صدیقی نا سوج آتا ورندی ٹی نگران بنجائی وزیر پارلیمانی امور مرتضیٰ سولنگی پارےکہ ہاؤسنگ کوٹہ غان ہرا ریٹائرڈ ملازم آتے الاٹمنٹ لیٹر ملتنے، دا بابت تعلقداری محکمہ غاک سرجم آتے دوئی کرسا ایوان ءِ معلومدار کینہ۔