اسلام آباد۔ 26 دسمبر (اے پی پی) نگران وزیراعظم نا سلاہکار ہوابازی فرحت حسین پارینے کہ پی آئی اے نا نجکاری نا عمل پدریسہ برجاءِ، ایئرپورٹ ءِ آؤٹ سورس کننگ انگ ءِ، بہاکپننگ انگ ءِ۔ سے شنبے نادے آ سینیٹ نا دیوان اٹی وقفہ سوج آتیٹی سینیٹر زرقا تیمور سہروردی ، سینیٹر محسن عزیز و سینیٹر سعدیہ عباسی نا سوج انا ورندی ٹی سلاہکار ہوابازی فرحت حسین پارے کہ پی آئی اے ءِ چندی سوب آتا بناء آ نسخان مون تروک ءِ، پی آئی اے نجکاری نا عمل پدریسہ برجاءِ، داٹی شفافیت ءِ برقرار تخنگک، دا بابت نجکاری کمیشن فنانشل ایڈوائزر مقرر کرینے۔ اسلام آباد، لاہوروکراچی ایئرپورٹ ءِ آؤٹ سورس کننگ نا فیصلہ قومی اسمبلی بھاز مہالو کریسس۔ ایئرپورٹ ءِ آؤٹ سورس کننگ انگ ءِ، بہاکپننگ انگ ءِ۔ اولیکو ریسہ ٹی اسلام آباد ایئرپورٹ ءِ آؤٹ سورس کننگ انگ ءِ۔ سینیٹر زرقاتیمور سہروردی، سینیٹر تاج حیدر و سینیٹر دنیش کمکار نا سوج آتا ورندی ٹی اوپارے کہ انڈونیشیا غان اِرا جہاز پنچ سالہ لیز آ ہلنگا، معاہدہ چُٹنگ آن پد 2021اٹی اوفتے ہندا کمپنی نا دوٹی تننگا، کورونا دین انا جہانی دین انا سوب آن معاہدہ نا رداٹ پیش رفت مننگ کتو۔ اوپارے کہ مذاکرات آن پد26 ملین ڈالر ادائیگی کننگانے، اسہ ہوائی جہاز اس پاکستان آ بسنے، وخت اس کہ ارٹ میکو ملک، مہالو دا جہاز آک لیز آ ئسر، داسہ پاکستان نا ملکیت مریرہ۔
