اسلام آباد۔ 26 دسمبر (اے پی پی) نگران بنجائی وزیر حوالکاری ، شینکاری و پارلیمانی امورمرتضیٰ سولنگی پارینے کہ صحافی و میڈیا ورکرآتون سلوک اُٹ، صحافی تا جبری برطرفی تا ویل ءِ منپنہ، حکومت نا ہمدردی میڈیا ورکرآتون ءِ، صحافی و میڈیا ورکرآتے دوئی کانودی رکھ آ عملدرآمد کرفنگ ننا زمواری ءِ۔ سے شنبے نادے آ پارلیمنٹ ہاؤس اٹی سینیٹ نا پریس گیلری آن واک آؤٹ کروک آ صحافی تتون گپ وتران کرسا نگران بنجائی وزیر حوالکاری پارے کہ صحافی ومیڈیا ورکرآتا جبری برطرفی تا بابت چیئرمین پیمرا تون ہم ہیت مسنے وخت اس کہ سینیٹ نا قائمہ کمیٹی حوالکاری و شینکاری نا دیوان جمعہ نا پیشیم آن پد مریک، دا ویل انا بارواٹی قائمہ کمیٹی نا چیئرپرسن تون ہم ہیت کننگک۔ اوپارے کہ کانود نا رداٹ انت کہ گام گیج اس مننگ کرے، نن کینہ۔ حکومت نا ہمدردی میڈیاورکرآتون ءِ ، میڈیا ورکرو صحافی تے ہرا کانودی رکھ دوئی ءِ، اوڑآ عملدرآمد کرفنگ ننا زمواری ءِ۔ داکان مست سینیٹ دیوان اٹی صحافیک سینیٹ نا پریس گیلری آن چندی میڈیا ادارہ غاتیان صحافی تا جبری برطرفی تا باندات آ واک آؤٹ کریسر۔
