اسلام آباد۔ 26 دسمبر (اے پی پی) الیکشن کمیشن گڑاس ٹی وی چینل آتیا پنجاب نا صوبائی الیکشن کمیشن نا ترجمان نا پن اٹ دا خبرنا سختی اٹ تردید ءِ کرینے، ہرانا رداٹ الیکشن کمیشن نیب، ایف بی آر و ایلو تعلقدار ادارہ غاتا حوال آتا بننگ آن پد اومیتدار آتا پندار کاغد آتے منظور یا مسترد کننگ نا اہم فیصلہ کرینے۔ داڑے جاری بیان اٹی ترجمان کمیشن پارے کہ داخبر من گھڑت ءِ و کمیشن ہچ ءُ دُن ءُ فیصلہ اس جاری کتنے۔ ترجمان نا رداٹ میڈیا نا کنڈآن ہڑدے ئی بنداو آ منظور یا مسترد مروک پندار کاغد آتا حساب وکتاب ءِ فراوان کننگ نا خواست آ ودے صوبائی الیکشن کمشنر پنجاب نا دفترآن پاننگاکہ پندار کاغد آتا سکروٹنی نا عمل 30 دسمبرا سکان برجاسلک اوکان پد منظور مروک پندار کاغد آتا حامل اومیتدار آتا لڑ ءِ آویزاں کننگک۔
