ملک  ءِ آیوکیں  باندات  کانود ءُ جمہوریت  ءَ گوں بندوک انت،  کانود  ءِ  تہ ءَ نبشتہ  کنگ بوتگ  کہ  اے  ملک ءَ گچین  بوتگیں  نماھندگ  چلائیناں،   مرتضیٰ  سولنگی

اسلام آباد۔23دسمبر (اے پی پی): ادارکی  بنجاھی وزیر  اھوالکاری ، شنگ   کاری   ءُ پارلیمانی  کار مرتضیٰ  سولنگی  ءَ گوشتگ کہ ملک ءَ  گچین بوتگیں  نماھندگ  چلائیناں۔  گچین  بوھگ ءِ  رمس دیگ،  ایشی ءِ  دیم ءَ برگ  یا مٹ  کنگ ءِ  مستری ایوک ءَ  الیکشن  کمیشن  آف  پاکستان ءِ کرا انت۔  الیکشن  کمیشن    ءَ سہرا  کتگ کہ گچین کاری   8  فروری  2024  ءَ بنت۔