سیالکوٹ ، خواجہ محمدآصف پندار کاغد آتے جمع کرفے

سیالکوٹ۔ 22 دسمبر (اے پی پی) مسکوہی بنجائی وزیر خواجہ محمد آصف سیالکوٹ آن مسلم لیگ ن نا اومیتدار نا وڑآ قومی اسمبلی نا حلقہ این اے 71 و صوبائی حلقہ پی پی 46 و47 آن تینا پندار کاغد آتے جمع کرفے۔ خواجہ محمد آصف جمعہ نادے آ تینا ڈیرہ غان تینا سنگت  ومسلم لیگ (ن) نا کارندہ غاتا بھاز بھلو قافلہ اسے تون اوار کچہری سیالکوٹ آ سرمس ہراڑے او قومی اسمبلی نا حلقہ این اے 71 و صوبائی حلقہ پی پی 46 و47 آن تینا پندار کاغد آتے جمع کرفے۔ داوخت آ او میڈیا تون گپ وتران کرسا پارے کہ سنگت آتا سلابت اٹ فیصلہ کننگک کہ ہراصوبائی حلقہ غان گچین  کاری تیٹی بشخ ہلوئی ءِ۔ اسہ سوج اسے آ اوپارے کہ الس ءِ فیصلہ کروئی ءِ  ہرادے غٹ منرہ۔ اوکان پد مسلم لیگ ن نا اومیتدار حافظ شاہد کہگ ہم قومی اسمبلی نا حلقہ این اے 70 کن پندار کاغد آتے جمع کرفے۔