جان جوڑی نا ویل آتا بابت مسیت و ممبر نا کڑد بھاز اہم ، کورونا ٹی عالم دین و پیش امامک کورونا غان بچفنگ اٹ اہم ءُ کڑد اس ادا کریر، صدر مملکت ڈاکٹر عارف علوی

اسلام آباد۔ 22 دسمبر (اے پی پی) صدر مملکت ڈاکٹر عارف علوی جان جوڑی نا ویل آتا بابت مسیت و ممبر نا کڑد ءِ بھا زاہم گوندسا پارینے کہ کورونا ٹی عالم دین و پیش امامک کورونا غان بچفنگ اٹ اہم ءُ کڑد اس ادا کریر، مسیت و ممبر غیر متعدی ناجوڑی تیان بچفنگ اٹ اہم ءُ کڑد اس ادا کننگ کیرہ۔ صدر مملکت ڈاکٹر عارف علوی نا کماشی ٹی جمعہ نادے آ مسیت آتا کمک اٹ جان جوڑی نا ویل آتا بارواٹی آگاہی ودی کننگ نا بابت دیوان اس اڈ ہلک۔ دیوان اٹی نگران وزیر جان جوڑی ، ڈاکٹر ندیم جان، بنجائی وزیر مذہبی امور انیق احمد، صوبائی نمائندگان و بڑزکو آفیسر آک بشخ ہلکر۔ صدر مملکت ڈاکٹر عارف علوی پارے کہ کمیونٹی نا بشخ ہلنگ آن نظام صحت آ ناجوڑی تا بھاریم ءِ کم کننگ مریک۔ دیوان اٹی جان جوڑی نا کنڈآ مسیت آتا کڑد آ پالیسی ڈرافٹ اس تیار کننگ آامنا کننگا، دا پالیسی ڈرافٹ ءِ اِراہفتہ ٹی تیار کننگک۔ بنجائی وزیر جان جوڑی صدر مملکت و خاتون اول ءِ ناجوڑی تا بارواٹی آگاہی کن کڑد ادا کننگ نا عمل نا ستاءِ کرے۔ دیوان اٹی صوبائی نمائندہ غاک تینا صوبہ غاتیٹی الس نا جان جوڑی کن کروک آ گام گیج آتا بارواٹی معلومدار کریر۔