اے این ایف نا پشاور اٹی منشیات نا عادی بندغ آتا بحالی نا آپریشن نا بناء

اسلام آباد۔ 22 دسمبر (اے پی پی) اینٹی نارکوٹکس فورس (اے این ایف ) پشاور اٹی منشیات نا عادی بندغ آتا بحالی نا آپریشن نا بناءِ کرینے۔ آپریشن ’’داحق آواز‘‘ بحالی مرکز پشاور نا کمک اٹ کننگ انگ ءِ۔ اے این ایف نا ترجمان نا رداٹ آپریشن حیات آباد، کارخانہ مارکیٹ و انڈسٹریل ایریہ ٹی کننگا۔ بنائی وڑاٹ منشیات نا عادتی 26 بندغ آتے داحق آواز بحالی مرکز پشاور آ گدریفنگا۔ زہمی بندغ آتے حفظان صحت نا اصول نا رداٹ پچ، کن وخور و کٹ فراوان کننگا۔ منشیات نا لت انا تعین ءِ کننگ کن دا بندغ آتا بلڈ اسکریننگ ءِ کننگا۔ دا بندغ آتے بحالی نا عمل اٹی گچین طبی آسراتی فراوان کننگ انگ ءِ۔ زہمی بندغ آتا خاہوت آتا پٹنگ کن ہم کوشست برجاءِ۔ آپریشن اٹی ضلعی انتظامیہ و سوشل ویلفیئر ڈیپارٹمنٹ پبی کمک کرے۔ بروک آ ریسہ ٹی پین 100 بندغ آتا بحالی ءِ کننگک۔ آپریشن نا مسخت منشیات نا عادتی بندغ آتے راج انا فائدہ ئی شاری جوڑ کننگ ءِ۔