اے این ایف نا صنعتی کیمیکل آتا غیرکانودی کاریم اٹ اتنگ نا برخلاف بھلو آپریشن اس، 10 دوبہ دار دزگیر، 394 ٹن کیمیکل دوئی

اسلام آباد۔ 21 دسمبر (اے پی پی) اینٹی نارکوٹکس فورس (اے این ایف ) صنعتی کیمیکل آتا غیرکانودی کاریم اٹ اتنگ نا برخلاف 8کارروائی تیٹی 10 دوبہ دار ءِ دزگیرکرسا 394 ٹن کیمیکل دوئی کرینے۔ اے این ایف نا ترجمان نا رداٹ ہندا مہم نا بناءِ منشیات اسمگلنگ نا ودوک آ خطرہ غاتا رداٹ کننگانے۔ قومی و عسکری سرکڑدہ غاتا کماشی ٹی پاکستان نا زرگزرانی و قومی فائدہ غاتا رکھ اکن انسداد سمگلنگ نا جوان مہم برجاءِ۔ کنٹرولڈ کیمیکل نا صنعتی کاریم اٹ اتنگ ملکی پیدوار، خراج کٹیا و قومی خزانہ ٹی ودکی کیک، ولے صنعت اٹی کاریم اٹ اتوک آ کیمیائی مواد نا غیرکانودی کاریم اٹ اتنگ اسہ آخبتی خطرہ اسے۔ اے این ایف کنٹرولڈ کیمیکل کاریم اٹ اتوک آ  کمپنی تا 2 آن3 تُو اسکان چاروکی ءِ کرے۔ کمپنی تا لیسن نا آڑاٹ کیمیکل آتا درآمد نا غلط کاریم اٹ اتنگ نا پیدوار مس ، اے این ایف کیمیکل آتا دُزی ٹی اوار کمپنی تا برخلاف 8 کارروائی کرے۔ کارروائی تیٹی 394 ٹن کنٹرولڈ کیمیکل آتے کوزہ ٹی ہلک۔ کمپنی تا کنڈآن این او سی کوٹہ نا غلط کاریم اٹ اتنگ قومی وسیلہ غاتا زیان نا سوب ءِ۔ غٹ آن تشویشناک ہیت جہانی کہول آ ملکی وقار نا ممکنہ نسخان ءِ۔ انسداد اسمگلنگ نا برجا مہم ملک انا زرگزرانی فائدہ غاتا رکھ اٹ اہم ءُ گام اسے نا عکاسی ءِ کیک۔ ڈوہدار زموار آتا مقابلہ کن غٹ اسٹیک ہولڈر آتا کنڈآن کوشست آتا گرج ءِ۔