موٹروے ایم ون ، پشاور آن رشکئی اسکان ٹریفک کن ملنگا

اسلام آباد۔ 21 دسمبر (اے پی پی) موٹروے ایم ون گوتلو نا شدت اٹی کمتی آن پد پشاور آن رشکئی اسکان ہروڑنا ٹریفک کن ملنگا۔ ترجمان موٹروے پولیس نا کنڈآن پنچ شنبے نادے آ جاری بیان نا رداٹ سہب انا وختی ترند گوتلو نا سوب آن موٹروے ءِ ہروڑنا ٹریفک کن بند کروئی تما ہراداوخت آ ملنگانے۔ ترجمان پارے کہ موٹروے ءِ بند کننگ نا مسخت شکست آتیان بچنگ و موٹروے ءِ کاریم اٹ اتوک آتا جان ومال انا رکھ  ءِ۔ شاری تیان خواست ءِ کہ گوتلو نا وخت آ بے گرج سفر کپس۔ تینا سفر ءِ دے انا روشنائی ٹی پورو کرسا گوتلو نا بناآن مست تینا مزل آ سرمریر۔ ترجمان پارے کہ گاڈی تیٹی فوگ لائٹ آتے کاریم اٹ اتیر۔ ترند رفتاری آن پاناد کیر و مون ناگاڈی آن جوان ءُ فاصلہ اس تخر ، سفر نا بناءِ کننگ آن مست موٹروے پولیس ہیلپ لائن 130آن معلومداری دوئی کننگ مریک، داکان بیدس نیشنل ہائی ویز میڈیا اکاؤنٹ آن ہم تازہ معلومداری دوئی کننگ مریک۔