مسلم لیگ (ن) نا اومیتدار آک پندار کاغد آتا جمع کرفنگ نا چرجوئی نا بناءِ کریر

اسلام آباد۔ 21 دسمبر (اے پی پی) مسلم لیگ (ن) نا مچ آملک اٹی اومیتدار آک پندار کاغد جمع کرفنگ نا چرجوئی نا بناءِ کرینو۔ مسلم لیگ (ن) میڈیا آفس نا رداٹ پارٹی صدر شہباز شریف غٹ اومیتدار آتے تدوک آ دے پندار کاغد آتا جمع کرفنگ نا باضابطہ موکل تسوسس۔ الیکشن شیڈول جاری مننگ آ غٹ اومیتدار آک پارٹی نا مرکزی سرکڑدہ غاتا پارت آ پندار کاغد آتا جمع کرفنگ نا چرجوئی نا بناءِ کرینو ہر اومیتدار ءِ پندار کاغد جمع کرفنگ نا وخت آ تعلقدار ضلعی صدر ءِ سوغند نامہ جمع کرفنگ ءِ پابند کننگانے ہراٹی او دا ہیت انا اقرار ءِ کیک او پارٹی ٹکٹ ملپننگ آ تینا پندار کاغد آتے پدی ہلیک، ہراومیتدار ءِ 22 دسمبر اسکان پارٹی نا ضلعی صدر تون دا سوغند نامہ ءِ جمع کرفنگ المی مریک، مسلم لیگ ن نا مرکزی سرکڑدہ حلقہ وار اومیتدار، مخصوص و اقلیت آتیکن جتا نشست آتیا پن تا گڈیکو فیصلہ ءِ کیک ۔ پنچ شنبے نادے آ قومی اسمبلی نا حلقہ این اے 47 آن عدنان علی کیانی تینا پندار کاغد آتے جمع کرفینے۔