نئی دہلی ٹی پاکستان ناہائی کمیشن ہندویاتری تے 166 ویزہ جاری کرینے، ترجمان دفترخارجہ

اسلام آباد۔ 21 دسمبر (اے پی پی) دفترخارجہ ناترجمان ممتاز زہرہ بلوچ پارینے کہ نئی دہلی ٹی پاکستان نا ہائی کمیشن برجاتُو بھارت نا ہندو یاتری تے پنجاب اٹی کٹاس راج مندر نا دورہ و شادانی دربار حیات پتافی، سندھ اٹی سالانہ دود آتیٹی بشخ ہلنگ کن 166 ویزہ جاری کرے۔ پنچ شنبے نادے آ داڑے پریس حوال اٹی ترجمان پارے کہ پاکستان برجاتُو باباگرونانک نا 554 می ودی دے انا دود آتا وخت آ بھارت آن 3 ہزار سکھ یاتری تے 25 نومبر آن 4 دسمبر اسکان پاکستان آ بننگ کن ویزہ ہم جاری کرے۔ ترجمان پارے کہ 1974 نامذہبی ہند آتا دورہ غاتا بابت پاک بھارت پروٹوکول نا رداٹ پاکستان ہرسال چندی مذہبی تہوار و وارخواہی تیٹی بشخ ہلنگ کن بھارت آن ہزار آ سکھ و ہندویاتری تے پاکستان اٹ خیرمقدم و آسراتی فراوان کیک۔ اوپارےکہ زائر آتا ویزہ غاتا جاری کننگ پاکستان نا مذہبی ہند آتا دورہ غاتے آسان کننگ و بین المذاہب ہم آہنگی نا مون آ دننگ نا عزم انا رداٹ  ءِ۔ ترجما ن پارے کہ داسال پاکستان بروک آ بھارتی زائر آتے 6824 ویزہ جاری کننگا۔