اسلام آباد۔ 01 جون (اے پی پی) وزیر مملکت خارجہ امور حناربانی کھر 5 آن 13 جون اسکان ناروے، سویڈن ، ڈنمارک و بیلجیئم نا سرکاری دورہ ءِ کیک۔ دفترخارجہ نا ترجمان ممتاز زہرا بلوچ پنچ شنبے نادے آ داڑے پریس حوال اٹی پارے کہ وزیر مملکت شونداری، واپار و موسمیاتی بدلی نا چیلنج و ویل آتا بارواٹی کمکاری آ گپ وتران کن وزارتی کہول آ دیوان تیٹی بشخ ہلیک۔ او کانود ساز و ہندی پوریاگرآتون ہم اوڑدہی کیک۔ حناربانی کھر بیلجیئم اٹی یورپی پارلیمنٹ نا باسک و یورپی کمیشن نا سینئر کمامدارآتون اوڑدہی کیک۔ سویڈن اٹی، وزیر مملکت یورپی کونسل خارجہ تعلقداری نا سالانہ دیوان اٹی اہم مقرر نا وڑاٹ بشخ ہلیک۔ او علاقائی و جہانی اہمیت نا ویل آتیا پاکستان نا نقطہ نظر ءِ پیش کیک و خارجہ پالیسی نا اولیت و چیلنج آتیا شرہ کن یورپ نا سرکڑدہ فیصلہ ساز، ماہرین، تھنک ٹینکس و اثرورسوخ تخوک آ شخصیت آتون گپ وتران کیک۔
