اسلام آباد۔ 21مئی (اے پی پی) سعودی عرب اٹی پاکستان نا سفیر خان ہشام بن صدیق پاکستان و سعودی عرب نا نیام اٹ اقتصادی تعلقداری تا اہمیت ئِ تالان کرسا اومیت ظاہر کرینے کہ ہڑتوم آ ملک آتا نیام اٹ بروک آ دے تیٹی ہڑتوم آ کنڈآتا واپار نا کچ ئِ ودفنگک ہراڑآن اِرا اسٹریٹجک شریدار آتا نیام اٹ تعلقداریک پین گچین مریرہ۔ اوداہیت ئِ ریاض اٹی پاکستانی سفارت خانہ ٹی رائس ایکسپورٹرایسوسی ایشن آف پاکستان نا ڈل و سعودی برنج درآمد کروک آ کمپنی نا نیام اٹ بزنس ٹوبزنس دیوان آن تران کرسا کرے۔ اوپارے کہ پاکستانی سفارت خانہ سعودی عرب نا درآمدی منڈی ٹی پترینگ انگ و تینا مناسب بشخ ئِ دوئی کننگ کن پاکستانی ایکسپورٹر ز کمیونٹی ئِ پورو کمک تننگ کن تیار ئِ۔ اوپاکستانی صنعت کار آتیا زورشاغا کہ او سعودی ویژن 2030 ءآن عملدرآمد کرسا ودی مروک آ پوسکن آ وارخواہی تیان فائدہ ہرفے۔
