اسلام آباد۔ 19 اپریل (اے پی پی) بنجائی وزیر خزانہ و محصولات سینیٹر محمد اسحاق ڈار پارینے کہ مارچ اٹی حسابات جاریہ نا کھاتہ غاتا توازن نسخان نا جاگہ غا فاضل مسنے۔ چارشنبے نادے آ تینا اسہ ٹویٹ اسے ٹی وزیرخزانہ پارے کہ حسابات جاریہ نا کھاتہ غاتا توازن مارچ اٹی 654 ملین ڈالر فاضل ئسک۔ فروری 2023اٹی دا 36 ملین ڈالر نا نسخان اٹی ئس۔ وزیرخزانہ پارے کہ جولائی آن مارچ اسکان حسابات جاریہ نا کھاتہ غاتا نسخان 3.4 ارب ڈالر ریکارڈ کننگا ہرا تدوک آ مالی سال انا ہندا مد اٹی 13 ارب ڈالر ئسر۔
