پشاور۔ 19 اپریل (اے پی پی) پاکستان پیپلزپارٹی خیبرپختونخوا نا صدر و وزیر مملکت محمد علی شاہ باچا پارینے کہ 19 اپریل 2010 آ صدر مملکت آصف علی زرداری 18 می آئینی ترمیمی بل آ دستخط کرے ہرا پاکستان نا تاریخ اٹی مدام یات تخنگک، آصف علی زرداری 1973 نا آئین ءِ اصل دروشم اٹ بھال کرسا واک انا سرچشمہ الس ءِ کرے۔ اوہژدہ می ترمیم آ دستخط کرسا پاکستان نا سیاست ءِ اسہ پوسکن ءُ رخ اس تس ۔ چارشنبے نادے آ تینا بیان اٹی وزیر مملکت محمد علی شاہ باچا پارے کہ مسکوہی ہژدہ می ترمیم نا کمک اٹ نئے بیرہ آئین ءِ اصل دروشم اٹ بحال کرے، بلکن صوبہ غاتے زرگزرانی وتواجہی ہم تس۔ وزیر مملکت محمد علی شاہ باچا پارے کہ ہژدہ می ترمیم آن پد اسٹ اس ہم آئین شکن تینا مرضی نا نقب خلنگ کپک۔ صدر آصف علی زرداری نا کماشی ٹی حکومت اٹی ہژدہ می ترمیم نا منظوری تاریخ ساز ءُ کارنامہ اس ئسک، ہژدہ می آئینی ترمیم پاکستان نا جمہوریت پسند وعاکدارآتا الس سنگتی و پاکستان پسندی نا درشانی ءِ۔ اوپارے کہ ہژدہ می آئینی ترمیم 1973 نا امنائی آئین نا روح ءِ بحال کرے۔ ہژدہ می ترمیم نا نتیجہ ٹی صوبہ غاتے اوفتا حق ملا و بنجاسوگو مس، ہندا ترمیم صوبہ خیبرپختونخوا ءِ اونا شناخت تس، محمد علی شاہ باچا پارے کہ پاکستان نا الس دستور نا پاسداری و جمہوریت ناتسلسل خواہک، آئین ءِ کاغد آتا پلندہ اس گوندوک آ سوچ خواہک کہ پاکستان ہڑدڑنا گواچی مرے ۔
