اسلام آباد۔18اپریل (اے پی پی): ملک مستر ڈاکٹر عارف علوی ء َ ماتیں وطن ءِ ھاترءَ قربانی دئیگءَ شہید آناں جوانیں لبزاں دادء ُ سلام پیش کتگء ُ گشتگ کہ سرجمیں راج وتی شہیدآنی ازمت ءَ را دادء ُ سلام پیش کنت۔ ایوان صدر ءِ پریس ونگ ءَ چہ سئے شمبے ءِ روچءَ شنگ بوتگیں بیان ءِ ردءَ ملک مسترءَ اے ھیالانی درشانی پاک فوج ءِ شہید اہلکارآنی حانداناں گوں …
ملک مستر ءَ پاک فوج ءِ شہید اُردانی حاندانی گوما ٹیلیفون ءِ سرءَ گپ کتگ، شہیدآناں دادء ُ سلام پیش کتگ
گیشتریں ھال
اسلام آباد۔18اپریل (اے پی پی): ملک مستر ڈاکٹر عارف علوی ء َ ماتیں وطن ءِ ھاترءَ قربانی دئیگءَ شہید آناں جوانیں لبزاں دادء ُ سلام پیش کتگء ُ گشتگ کہ سرجمیں راج وتی شہیدآنی ازمت ءَ را دادء ُ سلام پیش کنت۔ ایوان صدر ءِ پریس ونگ ءَ چہ سئے شمبے ءِ روچءَ شنگ بوتگیں بیان ءِ ردءَ ملک مسترءَ اے ھیالانی درشانی پاک فوج ءِ شہید اہلکارآنی حانداناں گوں ٹیلیفون ءِ سرءَ گپ ء ُ تران کنا ن ءَ کتگ۔ صدرءَ شہیدآنی فرض شناسی ء ُ بہادری ءِ سرءَ آیاناں دادء ُ سلام پیش کتگ۔ ڈاکٹر عارف علوی ءَ 15 اپریل ءَ جنوبی وزیرستان ءَ شہید بوتگیں پاک فوج ءِ شہیدآنی حانداناں گوں ٹیلیفون ءِ سرءَ دلپدردی ءِ درشانی کتگ۔ آئی ءَ لانس نائیک شعیب علی ء ُ سپاہی رفیع اللہ ءِ براتاں ٹیلیفون کتگ۔ ملک مسترءَ شہید آنی ماتیں و طن ءِ ھاترءَ ازمت ء ُ قربانی ءِ سرءَ آیاناں جوانیں لبزاں دادء ُ سلام پیش کتگ ء ُ گشتگ کہ سرجمیں راج وتی شہیدآناں سلام پیش کنت۔ آئی ءَ راج ءِ نیمگءَ شہیدآنی حاندانی شکرء ُمنت گپتگ ءُ گشتگ کہ سرجمیں راج وتی شہیدآنی ازمتاں دادء ُ سلام پیش کنت۔ ملک مسترءَ شہید آنی درجگانی مزنی ءِ دعاکتگ۔ آئی ءَ شہید آنی حانداناں وں ہمدردی ء ِ درشانی ء ُسگء ُاوپارءِ دعا ہم کتگ۔
