اسلام آباد۔18اپریل (اے پی پی): مزن وزیر ءِ صلہ کار ء ُ مسلم لیگ (ن) خیبر پختونخوا ءِ صدر انجینئرامیرمقام مولانا فضل الرحمن ءِ لوگءَ شتگ۔ آئی ءَ جے یو آئی سروک ءَ گوں مفتی عبدالشکور ءِ ناگہانی مرگءِ سرءَ دلپدردی ءِ درشانی کتگء ُ حُدامُرزی ءِ درجگانی مزنی ءِ ھاترءَ پاتحہ وانی کتگ ۔ آئی ءَ مولانا مفتی عبدالشکورءِ دینی، سیاسی ء ُ سماجی ازمتاناں دادء ُ سلام پیش کتگ۔ انجینئر امیر مقامءَ گشتگ کہ مولانا عبدالشکورءِ بیرانی ءَ چہ ملک یک نامدارء ُ زانت کاریں دین زانتےء ُ نظریاتی سیاسی راہشونے ءَ چہ زھبار بوتگ، اللہ تعالیٰ حُدامُرز ی ءَرا وتی رحمتانی تہا جاگہ بہ دنتء ُ پُشپدءَرا اے نقصان ءِ سگء ُاوپار کنگ ءِ وسء ُ واک ءَ بہ دنت۔
