اسلام آباد۔18اپریل (اے پی پی): مزن وزیر محمد شہباز شریف ءَ ضلع خیبر ءِ دمگ طور خم ءِنزیک ءَ بوھوکیں لینڈ سلائیڈنگ ءِ نلتیجگ ءَ جانی ءُ مالی تاوان بار ءِ پد ءَ ڈکھ ءُ اندوھ ءِ درشان کتگ۔ سئے شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں ھال آنی رد ءَ مزن وزیر ءَ پنت ءُ شون کتگ کہ ٹپیگ آناں ھمک رنگیں کمک پجاری کنگ بہ بیت۔ آئی ءَ ریسکیو ءِ کار ءَ را ترند کنگ ءُ دگ آنی زوت شر کنگ ءِ پنت ءُ شون کت۔ مزن وزیر ءَ لینڈ سلائیڈنگ ءَ چہ بیران بوھوکیں مردم آنی درجگ آنی برز ءُ بلندی ءِ واستہ دعا ءِ نیک کت ءُ دلپدردی ءِ درشان کت۔ آئیءَ واکیہ ءَ چہ ٹپیگ بوھوکیں مردم آنی زوت جان سلامتی ءِ واستہ ھم دعا ءِ نیک کت۔
