اسلام آباد۔18اپریل (اے پی پی): بنجاھی وزیر تجارت سید نوید قمر ءَ گوں پاکستان ءَ ازبک سفیر ابیبک عارف عثمانوف ءَ سئے شمبے ءَ گند ءُ نند کت ءُ پاکستان ءَ ای کامرس ، تجارت ءُ صنعت ءُ سرمایہ کاری ءَ گوں جھلانکیں واھگ ءِ درشان کت۔ گند ءُ نند ءِ ساھت ءَ سید نوید قمر ءَ دوئیں ملک آنی نیام ءَ تجارت ءِ دراج بریں اوست آنی سر ءَ دل یکیمی کنان ءَ گوشت کہ کمک ءِ واستہ نوکیں شوبگ آنی ٹک ءُ نشان دیگ ءِ ضلورت انت۔ آئی ءَ سفیر ءَ را تجارت ءِ راستیں امیت آناں سرجم کنگ ءِ واستہ وت مہ وتی سرمایہ کاری ءِ موہ آناں پٹ ءُ پول کنگ ءِ واستہ سرجمیں کمک ءُ ھمبراہ داری ءِ دل یکیمی دات ءُ دو نیمگی تجارت ءَ را ودینگ ءِ وستہ سفیر آنی کوشست آناں ساڑات۔ ازبک سفیر ءَ تجارت ، صنعت ءُ ای کامرس ءِ شوبگ آنی تہ ءَ وتی واھگ آنی درشان کت ءُ پاکستان ءُ ازبکستان ءِ نیام ءَ 1 بلین ءِ ایکشن پلان ءَ را سرجم کنگ ءِ واستہ گیش پکوئی گامگیج کنگ ءِ ضلورت ءِ سر ءَ زور پر دات۔ ات ساھت دوئیں پریک آں وت مہ وتی واھگی کار آنی ودینگ ءِ بابت ءَ تپاک ءُ دل یکیمی کت۔
