اسلام آباد۔ 18 اپریل (اے پی پی) صدر مملکت ڈاکٹر عارف علوی وطن نا خاطر خذمت و قربانی آ شہیدآتے شاندار لوز آتیٹی خراج عقیدت پیش کرسا پارینے کہ مچ آ قوم تینا شہید آتا خذمت آتے سلام پیش کیک۔ ایوان صدر نا پریس ونگ آن سے شنبے نادے آ جاری بیان نا رداٹ صدر مملکت داخیال آتا درشانی ءِ پاک فوج انا شہید کارندہ غاتا خاہوت آتون ٹیل فون آ گپ وتران کرسا کرے۔ صدر شہید آتا فرض شناسی و نرزوری آ اوفتے سلام پیش کرے۔ ڈاکٹر عارف علوی 15 اپریل آ سویلی وزیرستان اٹی شہید مروک آ پاک فوج انا شہید آتا خاہوت آتون ٹیل فون آ است ہسونی نا درشانی ءِ کرے۔ اولانس نائیک شعیب علی و سپاہی رفیع اللہ نا ایلم تتون رابطہ کرے۔ صدر مملکت شہیدآتا وطن نا خاطر خذمت و قربانی آ اوفتے شاندار لوز آتیٹی خراج عقیدت پیش کرے و پارے کہ مچ آ قوم تینا شہیدآتا خذمت آتے سلام پیش کیک۔ اوقوم انا کنڈآن شہید آتا خاہوت آتا منت واری ءِ ہرفے۔ صدر مملکت شہید آتیکن درجہ غاتا بڑزی کن دعا کرے۔ اوخاہوت آتون ہمدردی نا درشان و اوفتے کن صبر وجمیل نا دعا ہم کرے۔
