ٹیکسٹائل مصنوعات نا برآمد آتیٹی مارچ اٹی 6 درسد ودکی

اسلام آباد۔ 18 اپریل (اے پی پی) ٹیکسٹائل مصنوعات نا برآمد آتیٹی مارچ اٹی ماہانہ بنداو تیا 6 درسد نا ودکی ریکارڈ کننگانے ولے مالی سال انا اولیکو 9 تُو اٹی ٹیکسٹائل مصنوعات آتا برآمد آتیٹی سالانہ بنداو تیا 12.4درسد نا کمتی مسنے۔ پاکستان بیورو شماریات نا کنڈآن دا بابت جاری کروک حساب وکتاب نا رداٹ مارچ 2023اٹی ٹیکسٹائل مصنوعات آتا برآمد آتیان ملک ءِ 1.225ارب ڈالر نا زرمبادلہ دوئی مس ہرا فروری نا مقابلہ ٹی 6.6درسد زیات ءُ، فروری ٹی ٹیکسٹائل مصنوعات نا برآمد آتیان ملک ءِ 1.180ارب ڈالر نا زرمبادلہ دوئی مسوسس۔ مالی سال انا اولیکو 9 تُو اٹی ٹیکسٹائل  مصنوعات نا برآمد آتیان ملک ءِ 12.24ارب ڈالرنا زرمبادلہ دوئی مسوسس، مارچ اٹی ٹیکسٹائل مصنوعات آتا برآمد آتیٹی سالانہ بنداوتیا 22.6 درسد نا کمتی مسنے۔