اسلام آباد ۔ 17 اپریل (اے پی پی) وزیراعظم شہباز شریف دبئی ٹی اسہ ہنکینی ماڑی اسے ٹی خاخر لگنگ نا واقعہ ٹی مسہ پاکستانی تا زوال کننگ آ ڈکھیائی و است ہسونی و پدسلوک خاہوت آتون ہڑزخواہی نا درشانی ءِ کرینے۔ دوشنبے نادے آ تینا ٹویٹ اٹی اوپارے کہ دبئی ٹی اسہ ہنکینی ماڑی اسے ٹی خاخر لگنگ آن مسہ پاکستانی تا زوال کننگ نا بارواٹ بنگٹ بھاز است ہسونی مسنے۔ او دا سانحہ غا پدسلوک خاہوت آتون ہڑزخواہی نا درشانی ءِ کیک۔ اومتحدہ عرب امارات اٹی پاکستانی مشن ءِ زہمی خاہوت آتا کمک ءِ کننگ نا پارت کرینے۔
