اسلام آباد۔ 17 اپریل (اے پی پی) دبئی ٹی کاریم کروک آ پاکستانی تا زر راہی تس اٹی فروری ٹی ماہانہ بنداو آ 24.33 درسد نمو ریکارڈ کننگا۔ اسٹیٹ بینک انا حساب وکتاب نا رداٹ مارچ اٹی دبئی ٹی کاریم کروک آ پاکستانیک 309.6 ملین ڈالر زرمبادلہ ملک آ مون تسر ہرا فروری نا مقابلہ ٹی 24.33 درسد زیات ءُ۔ فروری ٹی دبئی ٹی کاریم کروک آ پاکستانیک 249 ملین ڈالر زرمبادلہ ملک آ گدریفیسر ۔ برجامالی سال انا اولیکو 9 تُو اٹی دبئی آن زرراہی تس اٹی سالانہ بنداو تیا 17.5 درسد کمتی ریکارڈ کننگا، جولائی آن مارچ دبئی ٹی کاریم کروک آ پاکستانیک 2.78 ارب ڈالر زرمبادلہ ملک آ مون تسر، تدو ک آمالی سال انا ہندا مد اٹی دبئی ٹی کاریم کروک آ پاکستانیک 3.37ارب ڈالرزرمبادلہ ملک آ گدریفیسر۔ مالی سال انا اولیکو 9 تُو اٹی سمندر پار پاکستانی تا زرراہی تس اٹی سالانہ بنداو تیا10.8 درسد نا کمتی ریکارڈ کننگا۔
