راولپنڈی۔ 17 اپریل (اے پی پی) اینٹی نارکوٹکس فورس (اے این ایف ) مچ آملک اٹی منشیات تورکارروائی تیٹی بھلو کچ اسے ٹی منشیات دوئی کرے۔ اے این ایف ہیڈکوارٹر راولپنڈی آن جاری بیان نا رداٹ دا بابت تدوک آ دے اسلام آباد انٹرنیشنل ایئر پورٹ آ جدہ غا ہنوک آ مسافر اسے نا پڈآن ہیرون آن پُر 73 کیپسول دوئی کرسا دوبہ دار ءِ دزگیر کننگا۔ انٹرنیشنل میل آفس راولپنڈی ٹی 2کارروائی کننگا۔ اسہ کارروائی اسے ٹی امریکہ غا گدریفوک آ پارسل آن 8200 نشئی ءُ گولی دوئی کننگا وخت اس کہ لندن کن بُک کروک آپارسل آن 190 گرام آئس دوئی کننگا۔ لاہور انٹرنیشنل بالی پٹ آن بحرین آ ہنوک آ 2 دوبہ دار آتے دزگیر کننگا، دوبہ دار نا پڈ آن ہیرون آن پُر 103 کیپسول وخت اس کہ زالبول اسے نا پڈ آن آئس آن پُر 124 کیپسول دوئی کننگا، ہڑتوم آ دوبہ دار آتا تعلق نوشہرہ غان ءِ۔ داکان بیدس گوادر کُنتانی کور نا خڑک کارروائی ٹی 120 لیٹر لیکوئیڈ آئس و 5 کلو آئس دوئی کننگا۔ دوئی مروک آئس ءِ پاک ایران سیم آڈغارنا تہہ ٹی اودیم کننگاسس ہرادے پیشن نا ملک اسمگل کننگاکہ۔ چمن فرینڈ شپ گیٹ انا خڑک شکبر پارسل آن 44 کلو ہیرون دوئی کننگا۔ اے این ایف و ایف سی ناخیبراٹی اسیجائی کارروائی ٹی پلاسٹک نا تھیلہ غاتیان 23 کلو چرس دوئی کننگا۔ ترجمان اے این ایف پارے کہ دزگیر دوبہ دارآتا برخلاف انسداد منشیات ایکٹ نا رداٹ مقدمہ درج کرسا جاست وپاست نا بنا ءِ کننگانے۔
